नको पाहूस वाट ,

कुणाच्या परवानगीची

पंखही तुझेच,

आणि आभाळ ही...

 

नको पाहूस वाट ,

कुणाच्या समर्थनाची...

मार्गही तुझेच,

आणि ध्येय ही....

 

नको पाहूस वाट ,

कुणाच्या साथीची..

विचार ही तुझेच

आणि पाऊलही ...

 

नको पाहूस वाट,

कुणी दिशा दाखवण्याची,

 प्रयत्न ही तुझेच  .

आणि संकल्प ही ..

 

नको पाहूस वाट ,

कुणी धैर्य दाखवण्याची ..

सामर्थ्य ही तुझेच,

आणि प्रेरणा ही..

 

नको पाहूस वाट ,

अनुकूल काळाची..

क्षण ही तुझेच

आणि वेळ ही ...

 

नको पाहूस वाट ,

वाजणार्‍या टाळ्यांची..

स्वप्नं ही तुझेच

आणि यश ही ...

 

नको पाहूस वाट,

कसल्या गौरवाची...

समाधान ही तुझेच

आणि आनंद ही....

 
रो. अर्चना गोजमगुंडे

रोटरी क्लब ऑफ पुणे मगरपट्टा इलाईट